उदयपुरमा भाइरलको ब्यापक प्रकोप, एक हप्तामा पाँचको मृत्यु

उदयपुरमा भाइरल ज्वरोको प्रकोप बढेर गएको छ। जिल्लाको पूर्वी क्षेत्र बेल्टारमा मात्र चार जना र त्रियुगा नगरपालिका गाईघाट क्षेत्रमा एक जनाको मृत्यु भएसकेको छ। एक हप्ताभित्र मात्र यस ठाउँमा पाँचजनाको भाइरलको कारण मृत्यु भइसकेको छ ।

अहिले भाइरलको प्रकोप दिनानुदिन बढ्दै जान थालेपछि जिल्लाका विभिन्न स्वास्थ्य चौकीमा बिरामीको ठूलो चाप बढ्न थालेको छ । जिल्ला अस्पतालमा मात्र दैनिक ५ सय सङ्ख्यामा उपचार गराउन बिरामीहरु आउने गरेका छन । पूर्वी नेपालमा एक महिना भन्दा धेर समय बाट फैलिएको भाइरल ज्वरोको कारण ले धेरै ले ज्यान गुमाएका छन ।